Siç ishte paralajmëruar, kryeministri Edi Rama dhe homologu malazez Dritan Abazoviç mbërritën sot në Kiev, në kryeqytetin e Ukrainës. Vlen të theksojmë se ftesa është bërë nga presidenti ukrainasa Volodymyr Zelenskyy. Ndërkohë që Rama dhe Abazoviç panë nga afër zonat e bombarduara të Borodyanka-s dhe Irpin-it dhe më pas ekspozitën për luftën ruso-ukrainase.
Kujtojmë që Borodyanka-n shpesh është cilësuar si rajoni ku Rusia ka demonstruar mizorinë e saj. Pavarësisht pamjeve tronditëse dhe situatës në Bucha, situata me humbjet njerëzore është më e rënduar në Borodyanka.
Kryeministri Rama është i shoqëruar nga Forcat Renea për të mbrojtur sigurinë e tij, në një vend aspak të pasigurt nga sulmet dhe bombardimet e vazhdueshme ruse.
Gjithashtu Rama është i shoqëruar nga Elisa Spiropali, Ministrja e Shtetit për Marrëdhëniet me Parlamentin, Endri Fuga, Drejtor i Agjencisë për Media dhe Informim, Volodymyr Shkurov, Ambasador i Republikës së Ukrainës në Shqipëri dhe Dorjan Duçka, Këshilltar i jashtëm.
Gjithashtu, kryeministri i Malit të Zi që ka shpërndarë në rrjetin social Tëitter një foto nga rrugët e Kievit.
“Mbërritëm në Kiev me Edi Ramën për të ofruar mbështetje të sinqertë për qytetarët e saj në mbrojtjen e të drejtës për liri. Mali i Zi do të vazhdojë të ndihmojë Ukrainën në këtë kohë të vështirë dhe katastrofë humanitare”, shkruan Abazoviç në Twitter.
