Kryeministri Edi rama ka deklaruar pas mbledhjes së jashtëzakonshme të qeverisë emergjencën në furnizimin me energji elektrike. Rama ka thënë sërish se vendimi është diktuar nga një situatë e përgjithshme e rritjes marramendëse të çmimit të energjisë elektrike në tregjet ndërkombëtare.
Më tej ai bëri me dije se me këtë vendim i hapet rruga ekzekutimit të planit të posaçëm, që do bëhet public ditën e nesërme.
“Sot kemi pasur një mbledhje jashtë rendit të përjavshëm për të marrë një vendim për të deklaruar emergjencën në furnizimin e energjisë elektrike. Vendimi i emergjencës është i diktuar nga një situatë e përgjithshme e rritjes marramendëse të çmimit të energjisë elektrike në tregjet ndërkombëtare dhe i jep qeverisë mundësinë që të ndërhyjë qoftë me instrumente financiare qoftë edhe me instrumente të natyrës administrative. Kështu që sot me këtë vendim i hapim rrugë dhe ekzekutimit të planit të posaçëm për ta përballuar këtë situatë dhe planin do ta bëjmë publik nesër”, tha Rama.
Kryeministri ka thënë se është përllogaritur sa do kusthojë e gjitha dhe shtoi se si referencë merren vetëm analizat e ekspertëve dhe qeverive të vendeve të ndryshme.
“Është një situatë shumë e ngjashme nga aspekti i goditjes me situatën e pandemisë, në kuptimin që të gjithë janë të afektuar. Natyrisht që ndryshe nga pandemia, vende të ndryshme kanë disa karakteristika të ndryshme, por të gjithë janë të përfshirë në një arsyetim se si duhet ta përballin këtë situatë. Ajo që ne na takon, që të mbrojmë konsumatorët tanë. Sigurisht me një rend prioritetesh, nga poshtë lartë, duke pasur parasysh ata që janë më në nevojë dhe pastaj duke shkruar lart përmes biznesit të vogël e më tutje. Rendi i prioriteteve është nga më të dobëtit tek më të fortit, jo e kundërta”, ka thënë kryeministri.
Rama shprehu bidnjen se e vetmja rritje çmimi gjatë qeverisjes së tij ka qenë në vitin 2015, kur u bë reforma e energjisë.
Në ndërkohë sjell në vëmendje që e vetmja rritje çmimi që ka ndodhur në periudhën e qeverisjes sonë i takon vitit 2015 kur hymë në reformën e energjisë dhe aty jo vetëm që çmimi u vendos në një pikë që nuk e mbulon koston, por në funksion të konsumatorëve familjarë dhe të biznesit të vogël dhe nga ana tjetër, diferenca mes çmimit të vjetër dhe të riut në atë kohë për rreth 200 mijë individë dhe familje paguhet sot e gjithë ditën nga shteti”, ka thënë Rama.
