Takimi i sotëm i kryeminstrit Rama dhe kryebashkiakut Veliaj në Qytetin Studenti për të prezantuar projektin e ri të Kampusit, duket se ka sjellë më shumë surpriza nga çfarë pritej.
Kryeministri Rama gjatë fjalës së tij ka bërë një deklartë të rëndësishme ku ka thënë se qeveria në bashkëpunim edhe me kryebashkiakun në mandatin tjetër në krye të Bashkisë Tiranë, do të përfundojë tërësisht rikonstruktimin e këtij kampusi.
“Brenda këtij mandati të gjitha konviktet do të jenë në situatë katërcipërisht ndryshe dhe ndërkohë, bashkë me Bashkinë e Tiranës do të fillojmë ndërtimin e këtij kampusi dhe brenda mandatit tjetër të kryetarit të bashkisë ne do të përfundojmë kampusin universitar”, tha Rama.
Edhe pse nuk ka qenë në mënyrë të drejtpërdrejtë, lihet qartësisht të kuptohet se bëhet fjalë për Erion Veliaj, edhe pse emri i tij ende nuk është përmendur dhe nuk është kualifikuar zyrtarisht.
Kjo ishte një shenjë e qartë se mesa duket këto zgjedhje lokale ai do të kandidojë për herë të dytë për Bashkinë e Tiranës.
Megjithatë jemi në pritje të një konfirmimi zyrtar përsa i përket çështjes.
