Kryeministri Edi Rama ka reaguar më në fund për fitoren e zgjedhjeve nga Lëvizja Vetëvendosje në Kosovë. Rama përshëndet të gjitha forcat politike në Kosovë, posaçërisht fituesit e LVV dhe uron që vullneti i popullit të Kosovës të mishërohet në një kapitull të ri për kosovën. Ai uron që qeveria e re të jetë e qëndrueshme, me dialog konstruktiv dhe partiak.
“Përshëndetje të gjitha forcave politike në Kosovë dhe posaçërisht fituesve të qartë të zgjedhjeve,LVV, me urimin që vullneti i popullit të Kosovës të mishërohet në një kapitull të ri për Kosovën,me qeveri të qëndrueshme, dialog konstruktiv ndërpartiak, zhvillim ekonomik&social”.
Zgjedhjet e 14 shkurtit në Kosovë ishin një shembull për mënyrën se si u mbajtën dhe për pjesëmarrjen nga ana e qytetarëve. Një gjë e tillë nuk ndodh në Shqipëri, ku ka vjedhje të votave nga të dyja palët. Për kryeministrin Rama mbi të gjitha, këto zgjedhje duhet të jenë një leksion se si vullneti i popullit zbatohet duke zgjedhur partinë që nuk është e përfshirë në korrupsion dhe krime. Ndërkohë, partia Socialiste në Shqipëri, i ka të faktuara rastet kur zyrtarë e ministra të saj janë përfshirë në përgjime për shit-blerje votash. Shpresojmë që fryma e Kosovës të reflektohet edhe në zgjedhjet e 25 prillit në vendin tonë, në pjesëmarrje, proces votimesh dhe numërim votash.
