Presidenti Ilir Meta mëngjesin e sotëm mbajti një konferencë të jashtëzakonshme përpara mediave ku ka firmosur “live” edhe anulimin e zgjedhjeve të 30 qershorit.
Menjëherë pas konferencës, kryeministri Edi Rama mblodhi Kryesinë e PS, ku Elisa Spiropali ka “sulmuar” me tone të ashpra presidentin Meta.
Meta u shpreh në konferencë se zgjedhjet pa opozitën do të ishin një farsë dhe se maxhoranca nuk ka krijuar hapësirë për diaog për zgjidhjen e krizës.
E ndërsa Spiropali tha se Meta ka bërë një akt brutal ndaj Kushtetutës duke shpikur një mekanizëm që nuk ekziston, atë të çdekretimit.
Ajo shtoi më tej duke thënë se Partia Socialiste do të nisë të enjten procedurat e shkarkimit të Presidentit Ilir Meta.
Ky vendim është marrë pas anulimit përfundimtar të zgjedhjve nga vetë presidenti Meta mëngjesin e sotëm.
Ministrja e Shtetit për Marrëdhëniet me Parlamentit, Elisa Spiropali u shpreh:
“Të enjten në seancë plenare të zhvillohet një debat i gjatë parlamentar duke shtjelluar të gjithë argumentet se si Ilir Meta ka sulmuar brutalisht Republikën dhe ka shpikur një institucion të padëgjuar, ka shpikur një institucion që nuk ekziston, ç’dekretimin.
I takon Kolegjit Zgjedhor apo Komisionit Qendror të Zgjedhjeve që ta shqyrtojë juridikisht këtë vendim.Ilir Meta e ka humbur të drejtën për të qëndruar në atë pozicion dhe Parlamenti do të nisë procedurat e shkarkimit të Presidentit. Sigurisht që do të jetë Gjykata Kushtetuese që do të marrë vendimin përfundimtar, po kjo nuk na pengon që të nisim procedurat”.
