Lufta në Ukrainë po i kushton shtrenjtë çdo ditë e më shumë Rusisë.
Raportohet se deri më tani të paktën nëntë avionë rusë janë rrëzuar në Ukrainë.
Pilotët rusë janë shprehur se kanë ndjekur vetëm urdhrat pasi janë kapur nga forcat ushtarake të Ukrainës. “The Sun” ka publikuar edhe foto nga momenti i shkatërrimit të avionit rus, ndërsa kanë kapur edhe pilotin.
Fotot tregojnë qartë rrënojat e djegura , ndërsa në fytyrën e pilotit shihet edhe frika. Ai gjithashtu ka treguar se nuk i është thënë asgjë për misionit të tij në Ukrainë. Gjithashtu nga pamjet duken të mbuluar me gjak , ndërsa shprehen të dëshpëruar.Ndërkohë sulmet ajrore besohet se kanë vrarë qindra, ndoshta edhe mijëra civilë në të gjithë Ukrainën.
Kujtojmë që më shumë se 1.5 milionë njerëz që ikën nga Ukraina, kanë kaluar në vendet fqinje në 10 ditët e fundit, thotë komisioneri i lartë i OKB-së për refugjatët, Filippo Grandi. Ai tha se kjo situatë është kthyer tashmë në krizën e refugjatëve me rritjen më të shpejtë në Evropë që nga Lufta e Dytë Botërore.
Ukrainasit po shpërndahen në Rumani, Sllovaki, Poloni, Hungari, Gjermani, etj.
Zëvendëskryeministrja ukrainase Olha Stefanishyna tha se pavarësisht marrëveshjes për armëpushim, ukrainasit “nuk do t’i besojnë kurrë” asaj që thonë rusët. Ajo i tha programit të mëngjesit të së dielës të BBC-së se çdo qytetar dhe politikan ukrainas “e njeh përmendsh librin e lojërave ruse”. Stefanishyna goditi gjithashtu liderët perëndimorë të cilët refuzuan të vendosin një zonë ndalim-fluturimi mbi vendin e saj.
