Greqia ka marrë masa lidhur me rrezikun që mund të sjellë raketa hapsinore kineze që pritet të rrëzohet në tokë në orët në vijimm. Sipas medias greke “Protothema” e cila shkruan se forcat greke të sigurisë kanë kaluar në gatishmëri të pjesshme, për shkak se Greqia është në zonën e rrezikut, edhe pse shanset që pjesët e raketës kineze të bien mbi shtetin grek janë shumë të vogla. Megjithatë Greqia ka filluar të marri masat dh enë kuadër të këtyre masave ka pezulluar fluturimet ushtarake.
Zv/ministri grek i Mbrojtjes Civile ka deklaruar se rreziku që pjesët e raketës të bien në Greqi janë tepër të vogla, por autoritetet janë vigjilente dhe qëndrojnë në gatishmëri për çdo situatë sipas protokolleve të përcaktuara. Raketa hapësinore kineze me 21 ton mbetje që ka dalë jashtë kontrollit pritet të bjerë në Tokë orët në vijim.
Sipas ekspertëve, raketa mund të digjet në atmosferë, por nuk përjashtohet fakti që pjesë të saj të bien në tokë. Nuk ka ende një vendndodhje të saktë se ku mund të rrëzohen.
Sipas përllogaritjeve, raketa mund të rrëzohet rreth orës 02:00 apo 03:00 të mëngjesit të së dielës, edhe pse orari mund të ndryshojë në varësi të trajektores që do të marrë objekti.
