Zëvendës ministrja e Shëndetësisë Mira Rakacolli ka pranuar se ajo është e gatshme të bëj vaksinën ruse apo atë kineze. E ftuar në Report Tv ajo tha se vaksina kineze është certifikuar në vendin ku është prodhuar dhe në vendet që e përdorin, mes tyre edhe Turqia. Po ashtu kompania Sinovac ka paraqitur dokumente tek OBSH për certifikim të vaksinës. Rakacolli tha se procesi i sigurimit të vaksinave merret nga Komiteti i Ekspertëve të Vaksinimit. Ajo u shpreh se ka rëndësi ku janë marrë certifikatat e sigurisë dhe dokumentacioni kalon nga ngjencitë e barnave dhe duhet që vaksina është e sigurt.
“Vaksina është e certifikuar në vendet që është prodhuar në Kinë dhe në atë vende të tjera që e përdorin edhe në Turqi. Ajo ka paraqitur dokumente tek OBSH për certifikim dhe nga ajo. Procesi i sigurimit të vaksinave merret nga komiteti i ekspertëve të vaksinimit i krijuar para pandemisë dhe është i përhershëm. Rendësi ka ku janë marrë certifikatat e sigurisë dhe dokumentacioni i tyre kalon dhe nga agjencitë e barnave dhe është e siguruar se ajo vaksinë që bëhet është e sigurt. Jam gati ta bëj vaksinën kineze apo atë ruse”, tha Rakacolli.
Në vendin tonë mbërritën pak ditë më parë 10 mijë dozat e para të vaksinës ruse Sputnik V, ndërsa së shpejti do të vijnë edhe dozat e para të vaksinnës kineze të Sinovac, në bazë të një marrëveshjeje të nënshkruar nga qeveria shqiptare me distributorin turk të vaksinave.
