Një nga shqetësimet më të mëdha të vendit tonë ka qenë padyshim prodhimi i lëndëve narkotike, mirëpo tanimë është kthyer edhe në një nga pikat e tranzicionit më të njohura në botë.
Megjithatë është fakt tashmë që marrëdhëniet më të mira të tregtisë së drogës është me Italinë dhe pikërisht për këtë arsye Rai2 i ka kushtuar një reportazh të gjatë kësaj çështjeje.
Gazetari italian pa pasur mundësinë që si personazh kryesor të tij të ketë një nga bosët e marijuanës, nga i cili ka marrë informacionet që i interesonin.
Gjatë intervistës, bosi ka thënë qartë se lekët e fituara nga shitja e drogës përdoren për të blerë votat. Kjo përforcohet edhe më shumë sidomos tani pas plasjes së skandalit që VOA dhe BIRN zbuluan ku i përfshirë ka qenë edhe kreu i Bashkisë Durrës, Vangjsh Dako.
Megjithatë për ta kuptuar më qartë le të ndjekim kronikën e plotë, ku më poshtë e gjeni edhe të transkriptuar në shqip.
Trafikanti nga Shijaku, media italiane… on Vidnews.
Kronika e përkthyer në shqip
Spikerja: Pas protestave më Shqipëri kundër qeverisë, e akuzuar se ka raporte me krimin, i dërguari ynë, Leonardo Zelino hyn në strofullën e një trafikanti droge dhe armësh.
(një person që bën gati një kllashnikov)
“Doreza për të mos lënë gjurmë gishtërinjsh, teksa prekim një kallashnikov, një armë që s’fal.”
“Armën e përdorim për të mbrojtur mallin dhe për të vrarë njerëz, nëse është e nevojshme. Këto blihen 150 euro e më pas shiten 4-500 euro copa në Itali”.
Gazetari italian- Igli nuk shet armë. Ai bën “biznes” kryesisht me barin, është një grosist marijuane. Për të mbërritur tek shtëpia e Iglit, takohemi fillimisht me ndërmjetësin, përgjatë bregdetit, dhe me makinë ecim rreth 30 km deri në Shijak. Në hyrje të zonës duhet ta fikim telekamerën dhe me kapuç në kokë derisa të mbërrijmë në shtëpinë e Iglit.
“Këtu janë 10 kg. Kur vijnë blerësit, fillimisht ua jap ta provojnë. Nëse u pëlqen, i çoj tek magazina dhe marrin sa kile duan”.
Është e pamundur ta shohim magazinën, më thonë, pasi kontrollet policore në vitin e fundit janë bërë të imtësishme.
“Ky mall do përfundojë tek ju, në Itali”.
Gazetari italian- Shijaku është zona e Avdylajve, e supertrafikantëve, të arrestuar shpeshherë, që në telefon, para zgjedhjeve të fundit të 2017-s, flisnin për vota. Njëri prej vëllezërve Avdylaj, në përgjimet e zbardhura nga “Zëri i Amerikës”, organi zyrtar i Shteteve të Bashkuara, falënderohet nga Vangjush Dako, kryebashkiaku i Durrësit dhe sekretari rajonal i Partisë Socialiste, që qeveris vendin. Dosja e përgjimeve ka ngecur në Prokurorinë e Përgjithshme tashmë prej dy vitesh, për shkak të lidhjes së hamendësuar me narkotrafikantët, për të cilën flet opozita parlamentare.
“Natyrisht, marijuana – lekë, lekët – pushtet, pushteti blen”.
“Në zgjedhjet e fundit kështu ndodhi?”
“Po. Ashtu siç do të ndodhë edhe në zgjedhjet e ardhshme”.
