Pikërisht në kohën kur situata e grevisteve të Rafinerisë së Ballshit po përkeqësohet dita ditës, si dhe çështja po kthehet në debat politik të ditës, vjen një lajm tronditës.
“Kjo rafineri është pronë e shtetit dhe është grabitur nga një kompani private që nuk ka paguar as detyrimet tatimore”.
Kjo ishte “bomba” që plasi sonte Live ish-drejtoresha e Tatimeve, Briseida Shehaj, e ftuar në “Syri TV”.
Shehaj së fundmi ka folur në lidhje me çështjen e rafinerisë së Ballshit, ku ajo është një kompani e privatizuar, por për shkak të detyrimeve që kanë lënë kompanitë, kanë bërë të jetë një aset që i përket shtetit.
Ndër të tjera, ajo tha se, aseti është marrë padrejtësisht nga një kompani përmbarimore, ku kjo e fundit sipas saj, nuk ka marrë parasysh detyrimet.
“Deri në vitin 2013 kompania që e kishte në pronësi kishte detyrime ndaj nesh, bëmë marrëveshje dhe u shlyen detyrimet. Më vonë filluan problemet me atë uzinë. Ne iu drejtuam ministrit të Drejtësisë dhe është bërë një kallëzim penal në lidhje me kompaninë përmbarimore.
Ajo është një kompani e privatizuar, por për shkak të detyrimeve ai aset i përkiste shtetit. Por ngrihet një kompani përmbarimore dhe e nxjerr në ankand pa marrë parasysh detyrimet, dhe kompania i kalon një banke.
Sot Shqipëria është në një proces gjyqësor. Kam edhe unë informacione por nuk do flas. Shteti duhet të bëhet pronar i saj, e ka shumë të thjeshtë t’i kthejë rafinerinë shqiptarëve”,- tha Shehaj në “Syri Tv”.
/Burimi: Syri TV/ GazetaReforma.com/
