Kampioni spanjoll nga Majorka arriti në ½ finalet e “US Open” si i vetmi tenist nga “BIG3”. Pas eleminimeve të njëpasnjëshme, të Novak Djokovic dhe Roger Federer, 3 herë kampioni në New York është pretendenti kryesor për finalen e së dielës.
Nadal arriti për të 8’ën herë rradhazi në ½ finale ku do të luajë ndaj nr. 24, italianit Matteo Berretini, i cili eleminoi francezin Gael Monfils. Mes 4 më të mirëve në “Flushing Meadows” do të luajnë edhe rusi, Daniil Medvedev përballë bullgarit, Grigor Dimitrov.
Tenisti rus ka bërë paraqitjen më të mirë për vitin kalendarik 2019 dhe është pengesa e vetme në rrugën e Nadal drejt suksesit të 4’rt në New York. Nëse e realizon, do të jetë “Grand Slam”-i i 19’të në karrierë, gjatë së cilës ka humbur edhe 8 finale të tjera.
