Një ngajrje e rëndë ka ndodhur ditën e sotme në Tiranë ku një 67-vjeçare ka humbur jetën ndërkohë që ishte duke punuar.
Mësohet se ngjarja e rëndë ka ndodhur pasditene sotme, rreth orës 17:45, në rrugën “Fadil Deliu”. Gruaja ka qenë duke punuar në tarracën e banesës së saj, në momentin që ka rrëshqitur dhe ka rënë. 67-vjeçarja me inicialet S.Ç., është dërguar në spital, por si pasojë e plagëve të marra, ka ndërruar jetë aty.
Njoftimi i policisë:
Më datë 02.04.2022, rreth orës 17:45, në rrugën “Fadil Deliu”, dyshohet se aksidentalisht ka rënë nga tarraca e banesës ku ishte duke punuar, shtetasja S. Ç., 67 vjeçe, dhe si pasojë ka ndërruar jetë në spital. Grupi hetimor ndodhet në vendngjarje dhe po punon për sqarimin e rrethanave të ngjarjes.
Aksidentet në vendin e punës kanë qenë ndër vite në fokus të Inspektoratit të Punës, kryesisht sektorët e ndërtimit dhe ai minerar, që raportohet si më problematik.
Megjithatë, është vënë re një ulje e ndjeshme e numrit të aksidenteve vitet e fundit. Kreu i ISHPSHSH, z. Ardit Kaja, thotë për “Monitor” se, rol të rëndësishëm në parandalimin e aksidenteve në punë luan forcimi i bashkëpunimit nëpërmjet të gjitha institucioneve dhe autoriteteve kompetente sipas specifikave përkatëse në trajtimin dhe hetimin e çdo ngjarje apo aksidenti të ndodhur.
Në bazë të detyrave të lëna që përkojnë me gjetjet e konstatuara si shkelje, janë evidentuar:
-mungesa e një vlerësimi të risqeve
-mospërdorimi i pajisjeve mbrojtëse individuale
-moszbatimi i rregullave të sigurimit teknik
-mungesa e pajisjeve mbrojtëse individuale dhe kolektive
-mungesa e informimit të punëmarrësve
