Një ngjarje e rëndë ka ndodhur mëngjesin e sotëm në Krujë, teksa një 28-vjeçar është rrëzuar nga skela teksa po punonte, e si pasojë ka ndërruar jetë.
Policia e Krujës pas shkuarjes në vendngjarje, ka bërë të mundur edhe arrestimin e pronarit të banesës ku po kryhej ndërtimi pa leje dhe ku pësoi aksidentin fatal 28-vjeçari.
Njoftimi i Policisë:
“Specialistët për Hetimin e Krimeve në Komisariatin e Policisë Krujë arrestuan në flagrancë shtetasin:
- K., 46 vjeç, banues në Krastë, Krujë, i dënuar më parë për veprën penale “Ndërtim pa leje”, si dhe kanë shpallur në kërkim shtetasin R. H., 39 vjeç, banues në Kameras, Fushë Krujë.
Procedimi penal në ngarkim të këtyre shtetasve ka filluar pasi më datë 07.09.2020, në Krastë, Fushë Krujë, ndërsa po kryheshin punime ndërtimi pa leje në banesën e shtetasit L. K., nga një firmë ndërtimi me administrator shtetasin R. H., aksidentalisht është rrëzuar nga skela punëtori shtetasi E. G., 28 vjeç, banues në Krujë, i cili për pasojë ka ndërruar jetë”, thuhet në njoftimin e policisë.
