Kryeministri i vendit, Edi Rama në kuadër të fushatës elektorale të zgjedhjeve të 25 prillit ka zhvilluar një takim me qytetarët e Peshkopisë. Në takimin e zhvilluar ai ka treguar edhe programin për ta bërë Shqipërinë kampione të Ballkanit. Por gjatë shpjegimit të programit një qytetarë thërret “Rama ik”, ndërsa kryeministri Rama nuk e ka lënë pa përgjigje. Rama ironizon duke thënë se me mandatin e tretë për PS-në do të përfitojnë edhe ata që thonë Rama rri edhe Rama ik.
“Ja doli njëri aty, Rama ik thotë ku të iki mo ku të iki. I erdhi mesazhi nga pllaka e gramafonit. Ku të shkoj mo o zot. E kanë fakt, ik se na plase se nuk të mundim dot. Po nuk ka rëndësi ta mbolla mu në tunel. Më doli një demokrat aty më atë maskën dhe atë shprehjen dhe më tha a të bëjmë një selfie. Po dakord i thash. Kush fiton tha, i thash do fitojë populli shqiptar dhe më pas do ju nxjerrim edhe ju nga tuneli. Rastësi, rastësi po ishte tuneli numër tre. Me mandatin numër tre këto që po flasim janë edhe për ata që thonë Rama rri dhe për ata që thonë Rama ik. Se edhe ata që thonë Rama ik, kur të ikin në Tiranë do t’i bien nga Rruga e Arbrit jo nga rruga e Lulit.”, ka thënë kryeminstri Edi Rama.
