Sot në Tiranë protestohet kundër rritjes së çmimeve, duke nisur nga nafta e deri te produktet ushqimore. Përgjatë këtyre ditëve ka patur protesta edhe në qytete të tjera të vendit. Qytetarët kërkojnë uljen e çmimit të naftës dhe produkteve të shportës. Pritet që nëse nuk plotësohen kërkesat, të ketë një përshkallëzim të protestës. Kësaj proteste i është bashkuar edhe ish-deputeti Limoz Dizdari. Ai ka ngritur stendën e tij në bulevardin përballë kryeministrisë, të qëndrës së tij kulturore.
Një person me aftësi të kufizuara i është bashkuar protestës kundër rritjes së çmimeve në vend.
Ai tha se jeta po bëhet më e vështirë së kurrë, ndërsa në lidhje me paketën e rezistëncës sociale të prezantuar nga Rama tha se është e pamjaftueshme dhe se disa grupe invalidësh nuk e përfitojnë.
“Kam ardhur edhe herë të tjera, kam marrë pjesë në protestë, jeta po bëhet cdo ditë e më e vështirë, jo më shtresa jonë në nevojë. Paketa që ka shpallur ky është e pamjaftueshme për ne, disa grupe e perfitojnë, disa asnjë cent.
Ne s’do përfitojmë asnjë gjë. Une do rri, do bëj pauza dhe do kthehem përsëri.
Cmimet kanë filluar me kohë, se e bëj pazarin vetë, me 10 mijë lekë dhe nuk blen dot gjë, janë prek frutat zarzavatet. Ne si kemi blerë asnjëherë produktet, por litari po na shtrëngohet në fyt. Jemi një shtet që të merr taksa. Është turp të thuash që është shtete, muk jemi të mbrojtur”– u shpreh ai.
