Qytetarët, shihen shpesh nëpër sportelet e furrave të bukës, duke replikuar e debatuar me shitësit në lidhje me rritjen e çmimit të bukës. Kjo nuk është një çështje që mund të zgjidhet nga një, apo disa qytetarë, por nga institucionet që merren me kontrollin e cilësisë, apo që ruajnë ekuilibrat e tregut.
Ndërsa, sot, nga Ministri Damian Gjiknuri, u deklarua se vitin e fundit rritja ekonomike ishte rreth 18%, por në fakt, rritja e çmimeve dhe sidomos rritja e çmimit të miellit e për rrjedhojë çmimit të bukës, dëshmon një të vërtetë krejt tjetër, duke i rënduar xhepat e shqiptarëve.
Shqiptarët, jo vetëm që e importojnë miellin, por që prej disa ditësh, janë të detyruar të paguajnë haraçin e rritjes abuzive të çmimit, dhe të çertifikuar nga Komisioni, me vendimin e djeshëm.
Me 3 vota pro edhe 2 vota kundër, komiteti vendosi të mos e dënojë, të mos i gjobisë subjektet që rritën çmimin e miellit. Edhe pse kjo gjë i dëmton xhepat e konsumatorëve, subjektet e rritjes së çmimit të bukës nuk janë gjobitur, duke i lënë qytetarët në mëshirë të fatit.
Postimi i Plotë nga Komisioni i Konkurrencës
Komisioni i Konkurrencës në mbledhjen e datës 29.09.2021, lidhur me vendimin “Për vendosje gjobe ndaj ndërmarrjeve AgroBlend SHPK, Miell Tirana SHA, Bloja SHA dhe Atlas Mills SHPK për moszbatimin e detyrimeve të përcaktuara me VKK nr. 700, datë 24.07.2020”, në një votim 2 pro dhe 3 kundër, nuk miratoi propozimin e Sekretariatit për vendosje gjobe ndaj ndërmarrjeve që operojnë në tregun e importit të grurit, importit, prodhimit dhe tregtimit të miellit.
Anëtarët që votuan pro vendosjes së gjobës janë:
Juliana Latifi
Eduard Ypi
Anëtarët që votuan kundër vendosjes së gjobës janë:
Leida Matja
Adriana Berberi
Denar Biba
