Rrjeti televiziv Al Jazeera ka publikuar një skandal që përfshinë z dy anëtarë të parlamentit të vendit. Këta të fundit negociojnë me ndërmjetës për të shitur pasaporta te shtetasit kinez të cilët kanë probleme me ligjin.
Bëhet fjalë për presidentin e parlamentit qipriot Dhimitri Siluri dhe deputetin e partisë së majtë AKEL Kristos Xhiovanis.
Në videot e publikuara nga Al Jazeera duket Xhiovanis me avokatin e tij. Dy burrat sigurojnë gazetarët e infiltruar, se mund të ndryshojnë emrin e personit të interesuar për një pasaportë qipriote.
Ndërsa kryetari i parlamentit qipriot i kërkon bashkëbiseduesit të tij, të ruajë sekretin për të mos rrezikuar ekspozimin e emrit të tij.
Gazetarët thanë se dëshironin një pasaport për punëdhënësin e tyre të ashtuquajturin Billi, ndërsa zyrtarët qipriotë u kërkuan gazetarëve të kamufluar se duhet të marrin në konsideratë se Billi, duhet të investojë deri në 20 milionë euro në vend, edhe pse ishin të informuar se personi kishte llogari të hapura me drejtësinë.
Sipas reportazhit të Al Jazeer-ës shtetësia qipriote mund të merret nga kushdo që investon të paktën 2.5 milion dollarë në vend, nëpërmjet investimeve në pasuri të patundshme.
Që nga nisja e këtij programi në 2013, vendi ka fituar më shumë se shtatë miliardë euro. Edhe pse i ligjshëm programi është kritikuar vazhdimisht nga Bashkimi Evropian dhe Organizatat Jo Qeveritare kundër korrupsionit , me argumentin se në këtë mënyrë legjitimitohet pastrimi i parave nga Rusia dhe vendet e tjera.
Marrja e nënshtetësisë nëpërmjet programit të investimeve është e njohur për njerëzit nga vende të tilla si Rusia, Kina dhe Ukraina, duke u dhënë atyre akses në tregjet Evropiane.
/Gazetareforma.al/
