Drafti i projektligjit, i cili ishte shpërndarë për konsultim publik në gusht, parashikonte mundësinë e importit të mbetjeve me miratimin e Këshillit të Ministrave.
Megjithatë, pas reagimeve të ashpra, është hequr mundësia e importit dhe kalimit transit të mbetjeve të rrezikshme.
Sipas versionit të ri të projektligjit, fokusi kryesor do të jetë parandalimi dhe riciklimi i mbetjeve, ndërsa incenerimi do të konsiderohet vetëm si një opsion i fundit.
“Për përmbushjen e objektivave kombëtare dhe për të kaluar me një ekonomi qarkulluese në një nivel të lartë të efikasitetit të burimeve deri në vitin 20230 përgatitja për ripërdorim e mbetjeve bashkiake të jetë në nivelin 60 për qind të sasisë totale të mbetjeve bashkiake. Deri në vitin 2035 përgatitja për ripërdorim dhe riciklimi i mbetjeve bashkiake të jetë në një minimum prej 65 për qind e sasisë totale të mbetjeve bashkiake”,-thuhet në dokument.
