Mëngjesi i sotëm është shoqëruar me disa shkarkime, ku pas Gledis Nanos, janë liruar nga detyra zv. Ministri i Ministrisë se Infrastrukturës Ardi Veliu dhe zv. Ministres së Mbrojtjes Dallëndyshe Bici.
Ndërkohë që ministrja e Energjisë dhe Infrastrukururës, njëkohësisht dhe zv.kryeministre Belina Balluku ka deklaruar në përfundim të mbledhjes së sotme të qeverisë se dy zv.ministrat janë liruar nga detyrat që mbanin por që do t’u ngarkohen të tjera më të rëndësishme.
Ndërkohë Bici është dhe një nga kandidatët për deputete e PS-së në zgjedhjet e përgjithshme 2021 e cila nuk arriti të futej në listën fituese. Por Rama vetëm pak ditë pas garës së 25 prillit e emëroi zv.ministre në Ministrinë e Mbrojtjes.
Ndërkohë që ditën e sotme u shkarkua nga detyra drejtori i Përgjithshëm i Policisë së Shtetit, Gledis Nano. Minsitri Çuçi e bëri të ditur lajmin, duke treguar se shkaku ka qenë pasi Nano nuk arriti dot të plotësonte objektivat. Ndërkohë aktualisht këtë post do ta mbajë nëndrejtori i Policisë, Tonin Vocaj. Por përtej arsyetimit “nuk përmbushi objektivat”, llogjikisht ka vend për aludime, ku duket se midis tij dhe përfaqësuesve të qeverisë ka pasur mosmarrëveshje.
Rikthejmë në vëmendje çështjen e “Bana King”, ku Trifon Murataj u favorizua hapur nga Policia e Shtetit, ndërkohë që Gledis Nono ishte bërë palë me të
