Koronavirusi ka gjunjëzuar zyrtarisht Italinë, duke marrë dy jetë njerëzish dhe duke infektuar dhjetëra të tjerë në zonën e Lombardisë, Venetos dhe Piemontes.
Me vendim të qeverisë janë mbyllur shkollat, zyrat e punës, gjykatat dhe universitetet.
Kryeministri Giuseppe Conte ka thirrur Këshillin e Jashtëzakonshëm të Ministrave, për të marrë masa të reja speciale.
Përsa i përket personave që kanë humbur punën, shefi i qeverisë italiane tha se do të kompensohen nga shteti.
Gjithashtu janë pezulluar edhe 3 ndeshje të Serie A, të cilat ishin planifikuar të luheshin sot në drekë.
Frika nga koronavisrusi ka detyruar shqiptarët të lënë Italinë dhe të kthehen në atdhe.
Vetëm në fundjavë në portin e Durrësit kanë hyrë 2 tragete me 446 pasagjerë.
Udhëtarët janë kontrolluar në karantinën e vendosur në port dhe nuk kanë rezultuar të infektuar.
Deri më tani në rang global janë shënuar 2345 viktima, ndërsa mbi 75 mijë të tjerë janë të infektuar.
