Dhjetëra njerëz janë arrestuar në Kubë pasi mijëra u bashkuan me protestat më të mëdha në dekada kundër qeverisë komuniste të ishullit, thonë media dhe burime të opozitës. Kubanezët janë të revoltuar nga kolapsi i ekonomisë, mungesa e ushqimit dhe ilaçeve, rritja e çmimeve dhe trajtimi i qeverisë për Covid-19. Protestat janë domethënëse pasi kritikët përballen me ndëshkim të ashpër për mospajtimin. Presidenti i ishullit u bëri thirrje mbështetësve të tij të luftonin protestuesit.
Një nga ata në protestat e së Dielës, i quajtur vetëm si Alejandro, i tha BBC Mundo: “Nuk ka ushqim, ilaçe, nuk ka liri. Ata nuk na lënë të jetojmë”.
Protestuesit thirrën “liri” dhe “poshtë diktaturës” në demonstrata në të gjithë Kubën, përfshirë kryeqytetin Havana.
“Ne nuk kemi frikë. Ne duam ndryshim, nuk duam më diktaturë”, i tha BBC-së një protestues pa emër në San Antonio.
Protestuesit anti-qeveritarë u arrestuan nga forcat e sigurisë të cilët u ndihmuan nga oficerët e zakonshëm, raporton agjencia e lajmeve Reuters. Imazhet në mediat sociale treguan ato që duket se ishin forcat e sigurisë që arrestuan, rrahën dhe spërkatën me sprej djegës disa nga protestuesit. Kishte raportime të ndërprerjeve të internetit në të gjithë ishullin dhe një fotograf i Associated Press u plagos pas një konfrontimi me forcat e sigurisë.
