Qeveria e Kosovës ka miratuar ditën e sotme marrëveshjen për vaksinat ant-COVID, mësohet se është miratuar një buxhet prej 15 milion euro, i cili do të përdoret për të shpërndarë në të gjithë vendin vaksinat.
Gjithashtu autoritetet përkatëse në Kosovë kanë bërë thirrje për vaksinim masiv ose në të kundër për ata persona që nuk vaksinohen do të merren masa shtrënguese. Marrëveshjen e ka bërë publike për mediat ministri i Financave, Murati i cili ka lajmëruar se një pjesë e buxhetit do të përdoret edhe për mbështetje dhe furnizim me barna esenciale.
“Kjo marrëveshje kap vlerën totale prej 15 milionë eurosh. Mjetet financiare kanë për synim mbështetjen për distribuim të vaksinave kundër COVID-19, një pjesë e tyre do të destinohen edhe për mbështejtje në furnizim me barna esenciale. Duke pasur parasysh rëndësinë e madhe të kësaj marrëveshje dhe se ka kaluar të gjitha fazat që parashihen me Ligjin për Rartifikimin e marrëveshjeve, prandaj e kemi sjellur sot para jush edhe si projektligj për tu miratuar”, tha Ministri i Financave, Murati.
Sjellim në vëmendje se ditën e djeshme Kosova, pati një rritje të ndjeshme të raste pozitive me COVID-19, ku u regjistruan 562 të infektuar. Ministria e Shëndetësisë iu ka bërë thirrje qytetarëve që të vaksinohen në mënyrë që të parandalojnë variantet e reja të koronavirusit.
