Edhe njëherë në vendin tonë institucionet dhe palët politike po heshtin përballë krimit dhe personave më të shkuar kriminale.
Këtë të mërkurë, Ambasadorja e SHBA në Shqipëri Yuri Kim, ka sjell sërish në vëmendje lidhjen e krimit me politikën. Mëngjesin e sotëm, ambasadorja ka ripublikuar një vendim të DASH të vitit 2018, që e shpallte “non-grata” deputetin Tom Doshi, i cili sot pas tre vitesh garon në zgjedhjet e 25 Prillit.
Në postimin e publikuar nga Yuri Kim, theksohet se Partia Demokratike e të tjerë nuk e duan në Parlament, pasi në bazë të raportit Doshi është një person i korruptuar i politikës shqiptare. Gjithashtu, Kim theksoi se të gjitha palët që po heshtin po sillen si të jenë aleat të tij.
Por pavarësisht thirrjeve të forta të ambasadores amerikane, KQZ e pranoi kandidimin e Doshit vetëm një javë më parë. Gjithashtu pas pranimit të tij në zgjedhje asnjë nga palët politike, sikurse pritet nga partia në pushtet e cila është dhe kryesorja për çdo vendimmarrje në vend, ende nuk ka dhënë asnjë reagim.
Lidhur me kandidimin e Tom Doshit në zgjedhjet e 25 Prillit, kryeministri Rama është pyetur shpesh nga gazetarët duke i kujtuar atij dhe deklaratat e ambasadores.
Rama iu është përgjigjur pyetjeve me arrogancë, teksa ka thënë se ai e di vet detyrën e tij dhe nuk do të jap përgjigje vetëm se në këtë mes është ambasadorja amerikane Yuri Kim.
“Unë nuk kam nevojë të ma thotë ambasadorja amerikane detyrën time. Kam shumë respekt për ambasadoren amerikane, natyrisht, ajo është në të drejtën e vetë të thotë atë që mendon, unë e respektoj, por kjo përgjigje nuk është për të, është për ju. Mos ma nxirrni përpara ambasadoren amerikane, ka thënë këtë dhe atë. Unë nuk kam nevojë të ma kujtojë detyrën time asnjë ambasador në Republikën e Shqipërisë. Të gjithë janë të respektuar. Nuk ka nevojë të ma kujtojë asnjë koordinator në Parlamentin Europian, nuk ka nevojë të ma kujtojë askush. Unë e di shumë mirë detyrën time karshi ligjit dhe karshi popullit shqiptar”, është shprehur rfama në muajin mars.
STATUSI NGA YURI KIM
Shënojmë se PD e të tjerët nuk duan në Parlament dikë të caktuar nga SHBA për korrupsion të rëndësishëm. Të tjerëve: Nga çfarë keni frikë? A është e “dobishme” të heshtësh? Pse i lini njerëzit të mendojnë se jeni “aleatë”? A është kjo ajo që mendoni se e meritojnë votuesit? Shqipëria meriton më mirë.
The Department is publicly designating #Albania Member of Parliament Tom Doshi under Section 7031(c) of the FY 2017 Consolidated Appropriations Act, making him ineligible for entry into the United States, due to his involvement in significant corruption. https://t.co/xzEj4686hi
— Department of State (@StateDept) April 16, 2018
