Një shqiptar dhe një italian kanë rënë në prangat e policisë, pasi u kapën me droge.
Lënda narkotike u sekuestrua në një apartament në Vottignasco, shkruan “Lavocedialba”.
Sipas autoritetetve italiane, nëse kokaina do të hidhej në treg, do të kapte vlerën e 100 mijë eurove.
Shqiptari dhe italiani e kishin fshehur drogën nën dyshek, në një zgavër.
Gjatë kontrolleve, policia sekuestroi gjithashtu edhe 3000 euro, një peshore elektronike dhe disa gramë marijuanë.
Dy të arrestuarit ishin aktualisht pa punë dhe vëzhgoheshin nga karabinierët, që prej 30 gushtit.
Kontribut të madh për këtë operacion, pati edhe qeni antidrogë, i quajtur “OKA”, i cili arriti të nuhaste lëndën narkotike, të paketuar me letër celofani.
Ndërkohë hetimet nuk kanë përfunduar ende, pasi autoritetet po përpiqen të identifikojnë, kanalin e fundit të drogës.
