Një ngjarje e rëndë ka ndodhur mesditën e ditës së sotme në Vlorë ku një 30-vjeçar nga Shkodra i identifikuar si Fadil Nikaj, ka plagosur me pistoletë një vajzë 20-vjeçare, K. Z përpara një lokali, duke e qëlluar me një plumb në këmbë.
Plagosja e 20 vjeçares në Vlorës, mund të kishte marrë përmasa të një tragjedie, pasi autori krahas pistoletës në lokal dukej i armatosur deri në ‘dhëmbë’. Sipas informacioneve të siguruara nga portali ‘BalkanWeb’ nga vendi i ngjarjes, mësohet se pasi e qëlloi vajzën me armë, 30-vjecari nga shkodra ka hedhur një granatë të cilën e kishte fshehur në cantë.
Dëshmitarë në ngjarje, thanë se fatmirësisht granata nuk shpërtheu, edhe pse autori i kishte hequr asaj siguresën. Arrestimi i 30-vjecarit Fasil Nikaj, u krye menjëherë nga efektivë të policisë, të gjendur pranë vendit të ngjarjes. Ndërsa nga kontrolli autorit krahas pistoletës, iu gjet dhe sekuestrua edhe një tjetër granatë të cilët e mbante në çantë.
E ndërkohë kujtojmë se e reja ishte nga Berati dhe kishte shkuar në Vlorë për studime, ku është tërhequr zvarrë në lokal dhe më pas është qëlluar me armë nga Nikaj. Ky i fundit është neutralizuar në kohë nga ana e Policisë, dhe është dërguar në komisariatin e policisë. Nuk dihet ende nëse të rinjtë kanë qenë në një lidhje mes tyre, por të gjitha indiciet thonë se kanë pasur njohje të mëparshme mes tyre.
