Jens Stoltenberg u ka bërë thirrje vende evropiane që janë pjesë e Aleancës që të rrisin buxhetet për mbrojtjen.
Sulmi i Rusisë do të ketë pasoja për të gjithë ne. Ne i bëjmë thirrje të gjitha vendeve evropiane të cilat janë anëtare në Aleancën e Atlantikut që të rrisin buxhetin e tyre për mbrojtjen.
Pas sulmit të Ukrainës, disa vende të Bashkimit Evropian reflektuan lidhur me rritjen e buxhetit të mbrojtjes.
E para e njoftoi Gjermania, e cila tha se po rriste shpenzimet me 2% të Prodhimit të Brendshëm Bruto, ose rreth 100 miliardë euro.
Iniciativës iu bashkuan edhe Suedia e Letonia.
Rritja e fondeve për NATO-n ka qenë një kërkesë e vazhdueshme e ish-presidentit Donald Trump, e cila gjeti mbështetje vetëm pas sulmimit të Ukrainës në 24 shkurt.
Aktualisht Greqia është kontribuuesja më e madhe e NATO-s në proporcion me GDP e vendit, e cila është rreth 3,82%, e ndjekur nga Shtetet e Bashkuara me 3,52% të Prodhimit të Brendshëm Bruto.
Lufta Rusi-Ukrainë ka sjell shumë pasoja në dy vendet në fjalë, oor edhe kudo në botë. Kërcënimi rus përbën rrezik të tmerrshëm për njerëzimin. Nga lufta kanë ndërruar jetë shumë ushtarë, fëmijë, njerëz në profesione të ndryshme, ndërsa sanksionet ndaj Rusisē sollën krizë ekonomike.
