Gjykata e Vlorës ka lënë në burg 47-vjeçarin Bardhosh Mino (Lutaj).
Ky i fundit u arrestua dy ditë më parë, për një sërë veprash penale.
Mino akuzohet se në vitin 1998, në afërsi të Patras në Greqi, dhunoi dhe vrau dy turistë anglezë.
Për këtë vepër penale ai është dënuar nga Shkalla e Parë me burgim të përjetshëm.
Gjatë kohës që vuante dënimin, Mino u arratis nga burgu në Greqi.
Gjithashtu ai është dënuar me 6 vite nga Gjykata e Kretës, për trafik narkotikësh.
Seanca e ditës së sotme ndaj Minos u zhvillua me dyer të mbyllura.
Gjatë marrjes në pyetje i pandehuri shfaqi shenja nervozizmi, duke thënë se nuk e dinte se ishte shpallur në kërkim.
“Kam kryer burg në Greqi. Nuk e dija që isha në kërkim. Jam martuar, madje jam edhe me fëmijë.”, mësohet të ketë thënë ai.
Pavarësisht se ishte në kërkim, prej tre vitesh Mino punonte si polic privat.
