Shefi i policisë në Malësinë e Madhe, Berhan Bajrakurti, u vu në pranga gjatë ditës së hënë pas akuzave të ngacmimit seksual të një vajze 15-vjeçare. Skandali u publikua nga portali “neësbomb.al”, që publikoi letrën e nënës së të miturës që akuzon zyrtarin dhe një video ku ai shihet duke kryer veprime të turpshme gjatë një videotelefonate me vajzën.
Në denoncimin e saj mediatik, nëna e vajzës deklaron se si ajo, si e bija janë kërcënuar nga Bajrakurti në momentin që ato i janë drejtuar komisariatit për të bërë denoncim për ngjarjen e rëndë. “Do ju zhduk, do ju shfaros!”-mësohet t’u ketë thënë shefi i policisë, ndërkohë që kolegët e tij nuk e kanë marrë denoncimin.
Sakaq, “Report Tv” ka nxjerrë në dritë detaje të tjera lidhur me të shkuarën e Bajrakurtit. Mësohet se në vitin 2008, ai është shkarkuar nga detyra e policit për shka të shkeljeve që ende nuk janë bërë të ditura. Pas shkarkimit nga detyra, mësohet se ai ka punuar si faturino në linjën e autobusit Shkodër-Koplik. Më tej, në vitin 2015, Berhan Bajrakurti është rikthyer në detyrë ën polici, fill pas zgjedhjeve lokale të mbajtura në të njëjtin vit, ku ai rezulton të ketë qenë komisioner i Partisë Socialiste në Malësinë e Madhe.
Bajrakurti është i martuar dhe ka dy fëmijë, një djalë dhe një vajzë. Vajza e tij, e cila është e martuar, mësohet se vijon studimet në gjimnazin e Gruemirës, aty ku mendohet se është nxënëse edhe vazja viktimë e ngacmimeve seksuale të babait të saj.
