Që prej ditës së djeshme sheshi “Shqiponja” është bllokuar dhe nuk do të lejohet më asnjë automjet që të kalojë aty për shkak të punimeve që po bëhen nga bashkia.
Kjo nyje ka qenë shumë e populluar nga automjetet kryesisht në mëngjes dhe në orët e pasdites, ku shpesh herë duhej që të prisje 1 orë për të bërë 100 metra rrugë për shkak të trafikut.
Por si do të ndryshojë tashmë trafiku pas bllokimit fare të këtij sheshi?!
Nëse jemi duke ardhur nga drejtimi i Durrësit, për të hyrë në Tiranë, por tashmë nuk do të mundemi të kalojmë rreth-rrotullimin Shqiponja, por do të kthehemi djathtas në këtë rrugë, e ndërtuar nga ARRSH, e cila është në drejtim të rrugës Teodor Keko, dhe të gjithë qytetarët të cilat duan të hyjnë në Tiranë, munden të kalojnë në rrugën Abedin Rexha, e njohur ndryshe si rruga e ish-Fushës së Aviacionit, ose të vazhdojnë në drejtim të pallatit me shigjeta.
Tani do të dalim nga Tirana duke përdorur rrugën Teodor Keko, pra nga pallati me shigjeta në drejtim të sheshit “Shqiponja”.
Tashmë ne nuk do të mundemi që të kalojmë me nga sheshi “Shqiponja”, por do të kthehemi majtas në këtë rrugë të ndërtuar e cila të çon në drejtim të Durrësit.
Të gjithë qytetarët të cilët duan të dalin nga Tirana, duke përdorur rrugën Dritan Hoxha, pra nga “Zogu i Zi” drejt rreth-rrotullimit të sheshit “Shqiponja”, do të kthehen djathtas vetëm pak metra larg rrethit për të vazhduar më pas drejt Durrësit.
Autoritetet, kanë sugjeruar për të gjithë qytetarët të cilët duan të vijnë nga Kavaja për në Tiranë, të përdorin rrugën e Ndroqit, për të evituar trafikun, ndërsa për të gjithë drejtuesit e mjeteve të cilët do të vijnë nga jugu, të përdorin autostradën Elbasan-Tiranë.
/GazetaReforma.com/
