Gjatë punimeve për ndërtimin e bypassit të Apolonisë janë zbuluar gjurmët për një varreze masive antike. Varreza ndodhet jashtë murit rrethues të qytetit të lashtë.
Sipas arkeologëve varreza masive që janë gjetur në murin rrethues të qytetit të lashtë i përkasin periudhës romake, shk.1 pas Krishtit.
Të kontaktuar, arkeologët që po punojnë në këtë zonë nuk kanë preferuar të japin detaje në lidhje me ecurinë e gërmimeve por nga ana tjetër banorë të zonës kanë konfirmuar që gërmimet janë ndëprerë që në 11 maj që nga nisja e ndërtimit të bypassit të Apollonisë.
Neritan Ceka eshte këshilltar i projektit te germimeve në rrugën që lidh bypass e Fierit me Apoloninë.
Ceka tha se punimet nuk do të vazhdojnë më pas zbulimit të këtij thesari, si dhe shtoi që Apollonisë i shtohet një vlerë e madhe e trashëgimisë kulturore.
“Gërmimet nisen disa jave me pare. Ministria vendosi te gërmohej ne territorin jashtë parkut pasi nga sondazhet doli se ka objekte arkeologjike nëntoke. Sondazhet u bene si procedure perpara nisjes se punimeve për lidhjen mes Apollonisë dhe By pass-it.
Tani me këtë zbulim jo vetëm qe për rrugë nuk do vazhdojnë punimet por Apollonisë i shtohet një thesar i trashëgimise kulturore. Zbulimi jep te dhëna te reja për jetën ne Apolloni dhe rrethina ne antikitekt”, ka thënë ai.
