Autoriteti Rrugor Shqiptar ka njoftuar sot të gjithë qytetarët se ditën e shtunë, me datë 16 dhjetor, do të mbyllet aksi nga Rrethi i Shkozës te Xhamia në Farkë pasi do të punohet në rrugë.
Mësohet se të gjitha mjetet do të lëvizin në drejtimin e aksit Shkozë-Farkë, mund të devijohen dhe do të shfrytëzojnë rrugën e vjetër.
“Në vijim të punës në Lotin 3 të Unazës Lindore, ku do të fillojë shtrimi me asfaltbeton në nyjën e mbikalimit në Shkozë, ditën e shtunë, datë 16.12.2023, nga ora 06:00-22:00, do të bëhet bllokimi i qarkullimit në segmentin rrugor “Rrethrrotullimi Shkozë-Farkë e Madhe (nyja e Xhamisë)” në drejtimin Shkozë-Farkë”, njofton ARRSH.
