Policia e Tiranës ka arrestuar pronarin e një kapanoni për prodhimin e vajit të ullirit, pas një incidenti tragjik ku një punëtor humbi jetën gjatë procesit të punës.
Ngjarja ndodhi në fshatin Barbas, Petrelë, në objektin në pronësi të shtetasit Xh.H., 55 vjeç.
Sipas raportimeve, 67-vjeçari M.P. u dëmtua rëndë nga një makineri përpunimi dhe si pasojë humbi jetën.
Policia ka kryer arrestimin në flagrancë të pronarit dhe po heton rrethanat e plota të ngjarjes.
Ndërkohë, një ditë më parë u raportua se viktimës i ishte këputur dora gjatë përdorimit të makinerisë.
