Mundësitë e punësimit në vendin tonë janë të pakta.
Përveç numrit të lartë të të papunëve dhe emigracionit, këtë e vërteton edhe një raport i forumit Ekonomik Botëror.
Sipas këtij raporti, Shqipëria renditet e dyta, si vendi më i keq në botë për mundësi punësimi.
Të rinjtë janë ato që ndeshen më së shumti me këtë fenomen.
Vetë ata shprehen se faktori kryesor është korrupsioni.
Të pyetur nga Ora News, ata shprehen: “Vetëm ata që kanë një mik të fortë mund të futen në punë”.
Madje një nga të rinjtë tregon eksperiencën e tij personale tregojnë se konkurset janë fiktive.
“Kam aplikuar, kam shkuar deri në fazën e fundit. Pastaj gjërat rrotullisen”.
Sipas raportit të forumit Ekonomik Botëror Shqipëria u rendit në vendin e parafundit nga vlerësimi i 82 shteteve.
Ky raport bën edhe vlerësimin e 10 treguesve të ndryshëm nga kujdesi shëndetësor, arsimimi, teknologjia, puna, tek qëndrueshmëria dhe efektiviteti i institucioneve, duke i dhënë Shqipërisë një vlerësim mesatar prej 56 pikësh, së bashku me Gjeorgjinë dhe Tajlandën, por poshtë Ukrainës, Moldavisë e Serbisë.
