Thellohet dosja e dërguar pranë SPAK nga nga ish-deputeti i Partisë Socialiste Halit Valteri. Përfaqësues të tjerë të Lëvizjes Socialiste për Integrim si Petrit Vasili, Edmond Panariti, Elona Guri, edhe disa biznesmenë janë të paditurit e radhës në SPAK. Ai i akuzon të gjithë këta persona se kanë shpërdoruar detyrën. Më herët Valteri paditi pranë Prokurorisë së Posaçme presidentin Ilir Meta dhe Monika Kryemadhin për të njejtën akuzë.
“Petrit Vasili dhe Edmond Panariti, dhe çifti Meta Kryemadhi, për skemën e lobimit, është Elona Guri, Muharrem Berisha biznesmen, kanë kryer veprën penale të shpërdorimit të detyrën dhe fshehje të të ardhurave. Të gjitha para janë përfituar nga korrupsioni. Burimi i të dhënave është nga mediat, të huaja dhe shqiptare, më pas është hulumtuar duke marrë deklarimet e LSI nga 2021-2021 dhe të gjithë kontratat ka qenë përdorur edhe firma që rezultojnë me humbje dhe bëjnë transferta të dyshimta drejt LSI.
Bëhet fjalë për periudhën 2016, 2017, 2018 ku Meta dhe ministrat e tij kanë shkuar në SHBA. Biznesmen dhurojnë para, është pronar i godinës ku LSI jep me qira, ndërkohë që ka dhënë pafund para për LSI”, tha Valeri. Ai ka paralajmëruar edhe denoncime të tjera, kësaj here jo vetëm nga LSI. Do ketë të tjerë dhe nga PD e PS”, është shprehur Valteri.
Kujtojmë se Valteri ka qenë kandidat për deputet i Partisë Socialiste në zgjedhjet parlamentare të vitit 2021, por nuk arriti të fitonte një mandat për në Parlament.
