Agron Tufa ka mbajtur fjalën dhe ka publikuar dokumentin, që sipas tij lidh Spartak Brahon me komunizmin.
Kjo gjë ishte paralajmëruar para disa ditësh nga Tufa (këtu mund të lexoni mbi konfliktin e tij me Spartak Brahon).
Tufa ka publikuar sot disa dokumente në Facebook dhe akuzon Spartak Brahon se ka firmosur dënimin me vdekje të minorenit Gjergj Hani gjatë periudhës së diktaturës.
Ai e etiketon atë si një kriminel e xhelat të diktaturës më genocidiale në botë.
Reagimi i plotë
“Ish i dënuari Gjergj Hani (dhe tok me të dhe ne) e ka (kemi) xhelatin e tij (tonë) deputet në Komisionin e Ligjeve, që dmth, ai edhe sot ‘bën Ligjin’”, shkruan Braho.
Epo kur të merr nëpër gojë një kriminel e xhelat i diktaturës më genocidiale në botë, si Spartak Braho; kur të merr nëpër gojë, të shpif e të kërcénon, të jep dhe këshilla si të shkruash, ai që të vetmen bukuri njeh shaptilografimin e formulit të vendimeve të tij me vdékje; kur përdor ironinë e të bën moral ai që ka dhënë dënime politike me vdekje; kur të akuzon për korrupsion, ai që sekuestroi serverin e tatimeve sapo erdhi në pushtet; kur të bën moral ai që ka dënuar politikisht minorenë, atëherë shkon idioma “Hapu dhé të futem!”
Sikur vetëm një sekondë ta imagjinoja veten “spartak”, në gjysmën e dytë të sekondës do ia kisha hequr rrufeshëm vetes në sheshin “Skënderbej”! Njihuni me punët e ra të Spartakiadës: dosja e dënimit të minorenit Gjergj Hani. Ish i dënuari Gjergj Hani (dhe tok me të dhe ne) e ka (kemi) xhelatin e tij (tonë) deputet në Komisionin e Ligjeve, që dmth, ai edhe sot “bën Ligjin”. Gjithë sa thamë është mirë të shoqërohet me këngën e Dervish Shaqes “O moj Shqypni o mos thuej se mbarova!”
Pak kohë më parë, shkrimtari dhe ish-drejtori i Institutit për Krimet e Komunizmit, ka marrë kërcënime për vdekje.
Kjo bëri që Tufa të largohet në Zvicër, ku edhe ka kërkuar azil politik.
