SPAK është ‘hedhur’ në aksion menjëherë pasi gazetari Artan Hoxha publikoi përgjimin e Artan Lames, duke i sekuestruar të parit telefonin. Diçka të tillë e ka bërë të ditur vetë Hoxha, i cili shkruan se nëse nuk përgjigjet në telefon, njerëzit të mos shqetësohen pasi nuk ka ‘humbur’ me dëshirë.
Postimi i plotë:
Epo mire, ja kam marre doren ngjitjes se shkalleve te SPAK-ut.
Nuk e kam per here te pare. Te pakten dy here kam qene vitin e kaluar ne SPAK, dhe 6 here te tjera, ne prokurorite e rretheve per denoncimet e parcelave me kanabis…
Gjithsesi, qe te jemi te qarte, nese nuk u pergjigjem ne telefon, mos u shqetesoni.
Nuk kam “humbur” me deshire….
Ose me kane sekuestruar telefonat serish dhe nuk kam mundesi te pergjigjem, ose me kane “sekuestruar” edhe mua me gjithe telefona…
Por ç’do e keqe e ka nje te mire. Sepse do te kem edhe njehere tjeter mundesine, te interesohem per dy celularet e mi te sekuestruar me 15 shtator 2016, nga paraardhesja e SPAK, Prokuroria e Krimeve te Renda…
Piloti veteran italian, qe u rrezua ne grykederdhjen e lumit Ishem, Guido Andrea Guidi, pas 5 muajeve izolimi ne Shqiperi, u la i lire te kthehet ne shtepi, pa i hyre gjemb ne kembe. Edhe avioni i tij, qe do te transportonte 200 kg kanabis, u riparua dhe tashme eshte kthyer ne fluturim ne Itali.
Te vetmet prova “kriminale” ne kete tentative te trafikut nderkombetare te kanabisit, kane mbetur dy celularet e mi, qe ne fakt sherbyen per te denoncuar pikerisht kete narkotrafik
Jeta vazhdon….
Artan Hoxha publikoi dje përgjimin ku kreu i Kadastrës, Artan Lame dëgjohet t’u thotë vartësve që të kërkojnë vota në këmbim të legalizimeve. Vetë Lame nuk e mohoi ekzistencën e bisedës, por tha se ishte që nga viti 2017.
