Nëntë raste të reja me Covid-19 janë identifikuar gjatë 24 orëve të fundit, duke e çuar në 998 numrin e të infektuarve informon Ministria e Shëndetësisë.
Gjatë 24 orëve të fundit janë testuar 146 qytetarë si të dyshuar të prekur dhe janë konfirmuar pozitivë 9 raste.
Shpërndarja gjeografike e rasteve është si vijon: 5 raste në Tiranë, 3 në Durrës dhe 1 në Shkodër. Të shëruar janë 6 qytetarë.
Pavarësisht se ka pasur pacientë që kanë lënë spitalin Infektiv të shëruar, aktualisht po trajtohen 15 pacientë, ndërsa 4 prej tyre janë në terapi intensive.
Pas më shumë se 3 javësh pa humbje jete, gjatë mbrëmjes së kaluar ka ndërruar jetë një 64-vjeçare nga Tirana, e cila vuante nga limfoma e trurit, duke e çuar në 32 numrin e viktimave nga koronavirusi në Shqipëri.
Në vendin tonë aktualisht janë 177 persona aktivë, kryesisht në Tiranë, Durrës Krujë, Shkodër.
Shpërndarja gjeografike e rasteve aktive është si vijon:
Tiranë 60
Durrës 53
Krujë 27
Shkodër 11
Berat 10
Kamëz 9
Fier 4
Elbasan 1
Mirditë 1
Korçë 1
https://www.facebook.com/edirama.al/videos/2689747881257968/
