Një plagosje me armë zjarri ka tronditur qytetin e Shkodrës pasditen e sotme, ku si pasojë ka mbetur i plagosur një 30-vjeçar.
Ngjarja ka ndodhur në afërsi të urës së re të Bunës, teksa informacionet rreth saj janë ende të pakta.
I plagosuri është identifikuar si Gëzim Bici dhe sipas informacioneve paraprake bëhet me dije se ai është plagosur në qafë dhe në dorë, teksa momentalisht ndodhet në reanimacion.
Sipas burimeve nga vendi i ngjarjes, Report Tv bën të ditur se autori e ka ndjekur për disa metra të plagosurit, duke lënë të kuptohet se qëllimi i tij ka qenë për ta vrarë.
Sakaq, nuk dihen ende motivet e ngjarjes, ndërkohë që, Policia ka shkuar në vendngjarje dhe po punon për zbardhjen e plotë dhe identifikimin e autorëve të kësaj plagosjeje.
Së fundmi, në media po qarkullojnë foto nga momenti kur i riu po transporohej nga vendngjarja për në spital dhe shihet i shtrirë në tokë dhe i mbuluar nga gjaku.
Kjo ngjarje pason një sërë ndodhish tragjike të raportuara gjatë 24 orëve të fundit, ku u vetëvranë 3 persona dhe u vranë 4 të tjerë.
LEXO: Deklarata “ogurzezë” që u pasua nga 4 vrasje dhe 3 vetëvrasje brenda ditës
