Kombëtarja Shqiptare luan ditën e sotme ndeshjen miqësore paërballë Uellsit në orën 18:00 në stadiumin “Cardiff City”. Me disa mungesa të rëndësishme, trajneri italian Edi Reja ka përfshirë edhe debutues në formacionin fillestar. Në portë do të fillojë Gentian Selmani, i cili luan ndeshjen e parë me kombëtaren. Në mbrojtje do të jenë Gjimshiti, Kumbulla e Ismajli, ndërsa para tyre do të jetë Çekiçi, Bare, Abrashi, Lenjani. Sulmi do të kryesohet nga dyshja Balaj dhe Manaj.
Nga ana tjetër, për uellsikanët do të mungojë ylli i ekipit, Gareth Bale.
FORMACIONET ZYRTARE –
UELLS – (4-4-2): Henesi; Ampadu, Mefam, Dejvis, Uilliams; Levit, Alen, Ramsi, Norrington-Dejvis; Bruks, Roberts. Trajner: Rob Pejxh.
SHQIPËRIA – (3-5-2): Selmani; Ismajli, Kumbulla, Gjimshiti; Doka, Çekiçi, Bare, Abrashi, Lenjani; Balaj, Manaj. Trajner: Edoardo Reja.
Në të shkuarën, përfaqësuesja shqiptare është ndeshur vete 3 herë më skuadrën nga Britania e Madhe. Në vitin 2018 kuqezinjtë kanë fituar minimalisht në miqësoren e zhvilluar në Elbasan, ndërsa skuadra e Uells ka fituar 2-0 në vitin e largët 1994. Një vit më vonë në Shqipëri skuadrat u ndanë në barazim 1-1.
Për sa i përket ndeshjes së sotme, trajneri Reja ka kërkuar përqendrim maksimal nga kuqezinjtë pavarësisht se do të jetë vetëm një ndeshje miqësore. Kujtojmë që Uellsi është ndër skuadrat pjesëmarrëse në Kampionatin Europian këtë vit.
