Pas përfundimit të mbledhjes së grupit parlamentar të PD-së, kryetari i komanduar i kësaj force politike ka folur në lidhje me temat e diskutimit. Alibeaj deklaroi se ka aq pjekuri sa të mos marrë vendime individuale, duke shtuar se vendim i pjekur është ai i marrë nga të gjithë. Alibeaj paralajmëroi edhe atë që do të ndodhë ditën e nesërme, pra mbledhjen e Kolegjit të Kryetarëve. Ai shtoi se nesër do të formalizohet vendimi në lidhje me mënyrën si do të garohet në “lokale”. Kujtojmë se KAS i dha të drejtë Alibeajt që të mundet të rregjistrojë PD në zgjedhje nën postin e kryetarit të komanduar, duke rrëzuar poshtë kërkesën e Berishës dhe mbështetësve të tij që të rregjistrohen. KQZ ka lën edhe 3 ditë afat për të kryer regjistrimin e kandidatëve për lokalet e 14 majit.
“Çështja e zgjedhje ka rëndësi për të gjithë, për këtë arsye, edhe diskutimi do të bëhet me të gjitha forumet, për t’i pasur të gjitha qëndrimet. Nesër do mblidhen forumet e bazës, do sjellin dhe ata atë që është nevoja. Deri sa të zyrtarizohen, mjaftohuni me njoftimet që keni marrë sot, zyrtarisht do ta mësoni nesër. Nesër do i merrni vesh të gjitha. Vendimi final do përbëhet nga kryesia, grupi dhe kolegji… nesër do jetë i plotë”, tha ai.
Alibeaj u pyet ga gazetarët se ëprse po shoqërohej nga garda e republikës
“Nuk kam dashur t’i mbajë, por është detyrim i gardës që në situata zgjedhorë duhet të shoqërohet”, tha ai.
A ndihet i kërcënuar?
“Asnjëherë, kurrë!”, deklaroi Alibeaj
