Nuk mund të thuhet nëse është kthyer apo jo një “valë e dytë”, por Franca ka raportuar një rritje rekord të rasteve me Covid-19 ditën e fundit.
Sipas autoriteteve shëndetësore, në 24 orët e fundit, janë konfirmuar 10 561 raste me koronavirus, duke u rritur me 1000 nga një ditë më parë.
Numri i personave që po shtrohen në spital po rritet, ndërsa ekspertët e mjekësisë kanë bërë thirrje që të shmangin grumbullimet, ku numri i personave është shumë i lartë.
Franca ka identifikuar 42 zona të kuqe, ku numri i infektimeve po rritet ndjeshëm.
Qeveria ka kërkuar që të aplikohen izolime lokale, në mënyrë që të kontrollohet përhapja e virusit.
Që nga fillimi pandemisë, në Francë janë raportuar më shumë se 30 000 viktima, vendi i shtatë në botë për numrin më të lartë të vdekjeve.
/GazetaReforma.com/
