Kandidatja e dytë e Partisë Demokratike për Qarkun e Elbasanit, Flutura Açka ka reaguar me anë të një postimi të shkurtër në rrjetet sociale për rezultatin e deritanishëm të zgjedhjeve të 25 prillit. Açka me trishtim thotë se 26 prilli ishte një ditë e zymtë dhe me marrje mëndësh për shqiptarët.
“Pse je n’trishtim Atdhe? Shqiptarët me marrje mendsh u gdhinë,i prenë biletat për nënë udhëbotë,e horrat cigaren ma shuajnë në shpinë”, shkruan shkrimtarja Açka.
Ndërkohë që ka mbetur edhe 10% e kutive të votimit për t’u numëruar, Partia Socialiste është në krye të listës në 8 qarqe, ndërsa Partia Demokratike ka marrë 4 qarqe. Në një krahasim me vitet e mëparshme, PD-ja ka pasur rritje në disa zona ndërsa Lëvizja Socialiste për Integrim ka pësuar rënie.
Kujtojmë se partia Socialiste ka marrë deri në këto momente 73 mandate, Partia Demokratike ka marrë 59 mandate, Ndërsa Lëvizja Socialiste për Integrim ka marrë 5 mandate dhe PSD ka marrë 3 mandate.
Rezultati i zgjedhjeve të 25 prillit deri më tani është 74 mandate për PS, 59 për Partinë Demokratike, 4 për LSI dhe 3 PSD.
Kujtojmë se disa orë më parë Partia Socialiste ende pa përfunduar numërimi i votave në të gjithë vendin ka bërë thirrje për festë në sheshin qendror të kryeqytetit “Skënderbej”. Vetë kryeministri i vendit, Edi Rama me anë të një postimi në rrjetet sociale ka paralajmëruar festën e madhe që do të zhvillohet në shesh. Ai i ka ftuar të gjithë që të marrin pjesë në atë që ai e ka quajtur “përqafim i fitores”
