Si tek Komisioni Hetimor i Shëndetësisë, edhe në atë të TIMS nuk ka bashkëpunim. Edhe në mbledhjen e sotme, pas debateve me opozitës, maxhoranca kërkoi pushim duke u larguar nga salla pa marrë aprovimin e pjesës tjetër. E gjithë përplasja nisi pasi zv.kryetari i Komisionit, Toni Gogu kërkoi që në seancën e sotme të flasin ekspertët për të parashtruar përgjigjet që kanë marrë nga institucionet lidhur me rrjedhjen e të dhënave të TIMS.
Ndërkohë kryetari i këtij komisioni, Ervin Salianji u shpreh se kryeministri Edi Rama ka tre javë që nuk ka kthyer përgjigje.
“Jam shumë i prekur, dhe nga komplimenti dhe nga pyetja. Sot është dita e paraqitjes së planit të hartimit. Java e tretë dhe kryeministri nuk kthen përgjigje. E ktheu SPAK brenda 2 ditësh…Ore ne jemi në mbledhje, ti del tek dera. Takohemi cepave thonë këta. Do durojmë me nerva çeliku thotë populli. Marrim 5 minuta pushim me shpresën që nuk do ia fusin vrapit,”- tha Salianji.
