Ministrja e Arsimit, Evis Kushi deklaroi ditën e sotme se universitetet nuk duhet t’i penalizojnë studentët që nuk do mund të marrin pjesë në provimet online. Ajo madje kërkoi edhe një minisezon të dytë për ta, më shumë akoma, kërkoi edhe mospenalizimin nga mungesat e marra në mësimin online.
Pjesë nga deklarata e Kushit:
“Do të kërkoja nga të gjitha Universitetet, së pari: në ato raste kur është e pamundur që provimi të bëhet online, provimi të bëhet në respekt të rreptë të masave anticovid. Të gjithë studentët që nuk do të marrin pjesë në këtë sezon, tiu ofrohet mundësia që ti bëjnë provimet në një sezon tjetër.
Sezoni i provimeve të jetë për një afat 45 ditësh, së katërti mungesat të mos u penalizojnë studentët oër të hyrë në provime, duke marrë parasysh vështirësitë që ka pasur.”
Është shumë vonë për t’i dëgjuar studentët:
Por kjo përpjekie e dëshpëruar për të mirëkuptuar shqetësimet e studentëve, tashmë nuk ka më vlerë. Pasi i lanë studentët në baltë prej kohësh, tashmë ministrja e arsimit dhe përfaqësues të tjerë nuk mund të hiqen sikur po vijnë në ndihmë të tyre. Prej fillimit të mësimit online, studentët janë përballur me problematika të shumta për të cilat kanë ngritur zërin vazhdimisht. Mungesa e internetit, e pajisjeve elektronike për të ndjekur mësmimin, penalizimet e shumta nga pedagogët, vështirësitë financiare kanë qenë disa nga problemet më evidente të studentëve.
Tashmë që bëhet mëse një vit nga mësimi online, asnjë zyrtar nuk është kujtuar të jap një zgjidhje për këto probleme. Në momentin që studentët kanë kërkuar internet për të ndjekur mësmin online, ata nuk janë dëgjuar. Kur kanë kërkuar anulim tarifash në një kohë që fakultetet qëndrojnë bosh, ata kanë marrë një përgjigje burokratike. Dhe së fundi kur kërkojnë mbajtjen e provimeve në auditore, ministria i jep altenativa që vetëm studentët nuk i ndihmojnë.
Provimet online vazhdojnë të jenë problematike
Shtyrja në kohë e sezonit apo zgjatja e tij nuk do të thotë se studentët do të jenë më pak të penalizuar. Nuk ka asnjë metodë të bërë publike, të paktën deri tani, se si studentët mund të vlerësohen sipas meritës në provimet online. Për më tepër një pjesë e mirë e studentëve do vazhdojnë të mos kenë internetin dhe pajisjet e nevojshme për provimet në çfarëdo kohe të mbahet sezoni.
Tentativa për “të korruptuar” me heqjen e mungesave:
Nuk është më shumë e ndershme deklarata e ministers Kushi për heqjen e mungesave gjatë mësimit online. Natyrisht që studentët nuk duhet të pënalizohen sepse nuk kanë mundur të ndjekin mësimin për arsye që nuk varen nga ata. Por Kushi ka harruar të përmend faktin se mësimi online ka krijuar mangësi të mëdha në dije. Edhe studentët që e kanë ndjekur mësimin nuk kanë arritur të marrin informacionin e nevojshëm apo të kryejnë praktikat për t’u aftësuar profesionalisht. Thirrja e dëshpëruar për të mbajtur provime thjesht si process mekanik i periudhës së studimeve, duket më shumë si një justifikim për dështimin në menaxhimin e mësimit online në universitete. Ndërkohë, studentët janë ende të paqartë, detyrohen ende të paguajnë dhe nuk po marrin as dijet e nevojshme.
