Ervin Salianji ka qenë mbrëmjen e sotme i ftuar në Open për të folur mbi dënimin e tij me një vit burg.
Ish-deputeti i Partisë Demokratike ka paraqitur disa prova të reja lidhur me çështjen “Babalja”.
Ai ka treguar me harta tabulatet telefonike që kundërshtojnë vendimin e Prokurorisë.
Sipas Salianjit,më datë 24 tetor, Agron Xhafaj, Jetmir Olldashi dhe Albert Veliu janë takuar dhe kanë qenë në të njëjtin vend.
“Në datën që pretendohet se më kanë takuar mua, 15 janar, sipas tabelave, Alizoiti nuk ka qenë fare në Tiranë. Pra, prokuroria thotë që e kam marrë rregjistrimin në Janar, ja ku e keni.Prokuroria thotë se në datë 24 Agron Xhafaj nuk ka qenë në Vlorë. Avokati i vetë u çua aty e tha që në datë 24 nuk ka qenë në Vlorë. Edhe Prokuroria pretendon të njëjtën gjë: në datë 24 njëri ka qenë në Levan , Jetmiri në një vend tjetër dhe Babalja në një vend tjëtër. Ja ku i keni qelizat telefonike. Shikojeni. Këtu janë antenat te ish-fabrika e orizit, që i përkon numrit të Agron Xhafajt. Jetmir Olldashi te Hotel Brookly dhe antena te Marina e Albert Veliut. Të tre antenat kapin valet, që janë të lokali i Agron Xhafës.Pra, të tre personat në orarin që Jetmir Olldashi thotë se unë kam qenë kur është bërë regjistrimi, kanë qenë këtu (tregon në hartë). Antenat telefonike të tre personave e përfshijnë lokalin e Agron Xhafës dhe kjo përputhet dhe me dëshminë e Jetmir Olldashit, që thotë se kam qenë në këtë orë. “
Ervin Salianji u dënua me një vit burg nga Prokuroria.
Mbi të rëndon akuza për shpifje mbi çështjen “Babalja” .
