Gjermania është një prej vendeve europiane ku pandemia e koronavirusit nuk u lejua të përhapej në përmasa katastrofike, por u kontrollua falë një protokolli rigoroz.
Kohët e fundit, qeveria Gjermane, e ka shtuar ajrosjen e dhomave në listën e rregullave për të shmangur koronavirusin. Ekspertët kishin kërkuar prej muajsh që kjo të bëhej zyrtare.
Ky zakon është fiksim kombëtar në Gjermani. Atje njerëzit i hapin dritaret zakonisht dy herë në ditë, madje edhe në dimër.
Shpesh, kjo kërkesë është klauzolë ligjore e detyrueshme në marrëveshjet e qirasë.
Por ndërsa disa mund të habiten, kancelarja Angela Merkel, tha se, “kjo mund të jetë një nga mënyrat më të lira dhe efektive për të mbajtur larg koronavirusin”.
Kancelarja tha se, rregullorja e qeverisë kundër koronavirusit do të ndryshojë nga “AHA”, që nënkupton distancë, higjienë dhe mbulimin e fytyrës me maskë, në “AHACL”, ku “C” nënkupton aplikacionin qeveritar për paralajmërimin e koronavirusit dhe “L” për ajrosjen e dhomave.
“Ajrosja e rregullt e të gjitha dhomave në ambiente private dhe publike mund të zvogëlojë ndjeshëm rrezikun e infeksionit”,- thuhet në rekomandimin e qeverisë.
/GazetaReforma.com/
