Një prej protestueseve ka marrë fjalën dhe ka rrëfyer momentin e vështirë të përjetuar gjatë kohës që ishte arrestuar nga forcat e policisë vetëm sepse kishte marrë pjesë në protestat e zhvilluara ditët e mëparshme.
Në fjalën e mbajtur para protestuasve, e reja bëri thirrje që të kishte një reagim mbarëkombëtar dhe theksoi se ato momente të përjetuara do të shlyheshin ndaj qeverisë.
Protestuesja e cila u arrestua në protestën e ditëve të mëparshme: Më vjen mirë që ju shoh juve këtu. Ato ditë zoti e di se çfarë kam hequr. Ata policët janë vëllezërit tanë dhe më vjen keq për ta që duhet t’u binden disa kriminelëve që u hanë bukën. Mos harroni se në këtë dynja lahen të gjitha, do t’i lani tek fëmijët tuaj. Ju falenderoj të gjithëve për përkrahjen dhe solidaritetin. Ju lutem nesër merrni edhe dy të tjerë me vete, siç binda edhe unë prindërit e mij. Po nuk u bindët, ata do na shtypin! Këtu nuk ka parti, ai e di shumëm irë se këtu nuk ka parti. Kini parasysh ditën kur të votoni, votoni me mend përndryshe do ngelemi çdo ditë e më pak. Të gjithë rrezikojmë punën ne. Edhe ndaj administratës u bëj thirrje: Ngrihuni dreqi ta hajë, kur do çoheni? E di shumë mirë ai polici civil që më mbajti të arrestuar dhe e dinë shumë mirë se kjo do lahet një ditë. Kijeni parasysh çdo ditë kur të flini se në këtë vend po rrini për familjet dhe fëmijët askush nuk ka të drejtë të përdorë dhunë ndaj nesh.
