Protestuesit marshojnë drejt Kryeministrisë, tre furgona të FNSH-së rrethojnë godinën! (PAMJET)
Pas tensioneve të protestuesve me policët përpara Ministrisë së Brendshme, situata ka degjeneruar në dhunë ku mbetën të plagosur edhe një efektiv, një gazetar dhe reperi Stresi.
Qindra protestues kanë qëlluar me sende të forta duke thyer xhamat e Ministrisë, teksa kanë brohoritur duke kërkuar dorëheqjen e Sandër Lleshajt. Në një moment, protestuesit kanë tentuar të shqyejnë derën duke tentuar të hyjnë brenda godinës.
Më pas një pjesë e protestuesve kanë marshuar drejt Kryeministrisë, ku e kanë shfryrë zemërimin për vrasjen e Klodian Rashës, duke rrëzuar pemën e Krishtlindjes e vendosur në hyrje të godinës qeveritare.
Ndërkohë godina është rrethuar nga forca të shumta policie. Tre furgona shtesë me efektivë të FNSH-së, janë nisur drejt godinës së Kryeministrisë./Gazetareforma.com/
