Ditën e sotme pas protestës së banorëve të “5 Majit” shoqërohet në Komisariatin e Policisë, gazetari Bledian Marku. Siç duket edhe nga pamjet e mëposhtme, pasi ka përfunduar protesta e banorëve të “5 majit” dhe Laprakës, Policia ka vendosur që të shoqërojë në Polici gazetarin dhe moderatorin e “Syri Tv”, Marku. Ky i fundit është një nga zërat më aktivë të protestës, pasi edhe banesa e tij në Laprakë rrezikon që të rrafshohet nga projekti për ndërtimin e lotit të Unazës, ndërkohë që prenton se nuk ka marrë asnjë dëmshpërblim. SYRI ka sjellë me video momentin kur uniformat blu shoqërojnë gazetarin Bled Marku, i cili është i rrethuar nga 3 persona, përfshirë edhe efektivë të veshur si civilë.
Pasditen e sotme, banorët e ‘5 Majit’ u mblodhën në protestë në kryeqëzimin e Medresesë ku ngritën zërin kundër shembjes së banesave të tyre për rreth një orë. Protestës së tyre iu bashkuan edhe banorët e zonës së Laprakës, të cilët gjithashtu kërkojnë dëmshpërblimin për shembjen e banesave. Grumbullimi nisi nga shtëpitë e tyre të shembura dhe vijoi me një marshim, ndërsa paralajmëruan se të enjten do të dalin sërish në tubim para Kuvendit, derisa të marrin zgjidhje për problemin e tyre.
Gjithashtu ish-kryeministri Sali Berisha ka dënuar shoqërimin e gazetarit Bledian Marku në polici, pas protestës së 5 Majit. Me anë të një postimi në Facebook, Berisha shkruan se ky është një akt hakmarrës dhe primitiv i kryeministrit Edi Rama, dhe shtoi se kërkon me ngulje lirimin e tij të menëhershëm.
Postimi i Berishës:
Narkobanditet me uniforme ndalojne dhe shoqerojne ne komisariat me urdher te Edivn Droges gazetarin e Syrit, Bledi Marku. Denoj me ashpersine me te madhe aktin hakmarres primitiv te Edvin Rames ndaj gazetarit Bledi Marku dhe kerkoj lirimin e tij te menjehershem
