Ditën e sotme pas shembjes së nd ë rtesave nw “5Maj” deputeti i Partisë Demokratike, Belind Këlliçi ka reaguar në lidhje me situatën e tensionuar në Tiranë, ku ka pasur përplasje fizike mes policisë dhe banorëve të zonës, të cilëve po iu shemben banesat në kuadër të procesit të Rindërtimit.
Postimi i Belind Këlliçit:
“Nuk ka një nismë të vetme të kësaj qeverie të mos jetë shoqëruar me kundërshti nga qytetarët. Kjo tregon se mungon tërësisht komunikimi me grupet e interesit. Shpërfillja, gjuha e forcës dhe dhuna janë mjetet e pushtetit për të çuar në fund veprat korruptive. Me pretekstin e dëmtimit nga tërmeti po i vihet ruspa banesave e po hidhen qytetarët në rrugë. E tillë është situata në bllokun “5 Maji”. Ku është SPAK? Pse nuk e heton Lali lekun? Po në selinë e blinduar të PD ka depërtuar lajmi? Si po vepron policia në këtë rast? Pse e kursen gazin bashkëqeverisja? Ju i kthyet banesat në gërmadha, jo tërmeti,” shkruan Këlliçi.
